Албаны эрхэм зорилго:

Увс аймгийн хэмжээнд төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тогтолцоог  бий болгож , бүх шатны төсвийн хөрөнгийн зарцуулалтанд хэмнэлт, үр ашиг, ил тод байдал, харилцан тайлагнах болон хариуцлагын зарчмуудыг баталгаажуулж, авилгал гарах нөхцөлийг бууруулах, дотоодын үйлдвэрлэгч, гүйцэтгэгчийг дэмжих, шударга өрсөлдөөний нөхцөлийг бүрдүүлэх замаар эдийн засгийн хөгжлийг хурдасгахад дэмжлэг үзүүлэх юм.

Үндсэн зорилтууд:

1. Худалдан авах ажиллагааны шалгаруулалтыг ил тод болгоно.
2. Худалдан авах ажиллагааг зохион байгуулахдаа  хуваарилагдсан төсвийн хөрөнгийг хэмнэлттэй, үр дүнтэй ашиглаж , өрсөлдөх тэгш боломж олгох, хариуцлагатай байх нөхцөлийг хангана.
3. Худалдан авах ажиллагааг зохион байгуулах ажиллагааг 2016 он гэхэд 100%   цахим хэлбэрээр явуулах бөгөөд холбогдох мэдээ, мэдээлэл, тендер шалгаруулалтын зар, үр дүнг нийтэд түгээх вэб хуудас хөтлөх, түүнд урилга, бусад мэдээлэл тавих арга, хэлбэрийг цаашид боловсронгуй болгоно.
4. Албаны чадавхи, техник, технологи, програм  хангамжийн хүчин чадлыг сайжруулах асуудлыг нэгдсэн бодлого, төлөвлөгөөтэй хэрэгжүүлнэ.
5. Худалдан авах ажиллагааны  орон нутгийн нэгж, иргэд, хувийн хэвшлийнхнийг мэргэжил, арга зүйн зөвлөгөөгөөр хангаж, тэдэнд зориулсан сургалтыг тогтмол зохион байгуулна.
6. Худалдан авах ажиллагааны чиглэлээр мэргэшсэн хүний нөөцийн бодлогыг бэхжүүлнэ.

Аймгийн Засаг даргын  2012 оны 12 дугаар сарын 24-ний өдрийн А/626 тоот захирамжаар Аймгийн Засаг даргын дэргэдэх  “Худалдан авах ажиллагааны алба”-ыг шинээр байгуулсан.

Аймгийн худалдан авах алба нь Засгийн хэрэгжүүлэгч агентлаг – Худалдан авах ажиллагааны газрын хэрэгжүүлэх Төрийн болон орон нутгийн өмч хөрөнгөөр бараа, ажил, үйлчилгээ худалдан авах тухай хуулийн 45 дугаар зүйлийн 45.5-д заасан улс болон орон нутгийн чанартай төсөл, арга хэмжээ, мөн зүйлийн 45.2.1 дэх хэсэгт заасан өөрийн хэрэгцээнд худалдан авах бараа, ажил үйлчилгээнээс бусад бараа, ажил үйлчилгээ худалдан авах ажиллагааг орон нутагт зохион байгуулах, хэрэгжүүлэх, гүйцэтгэлд хяналт тавих, төрийн захиргааны байгууллага, аж ахуйн нэгж, иргэдийг худалдан авах ажиллагааны мэдээллээр хангаж ажиллана. 

Орон нутгийн салбар нь үйл ажиллагаандаа Засгийн газрын агентлагийн эрх зүйн байдлын тухай, Засаг захиргаа, нутаг дэвсгэрийн нэгж, түүний удирдлагын тухай, Төсвийн тухай, Төрийн албаны тухай, ТБОНӨХБАҮХАТ, Нийтийн албанд нийтийн болон хувийн ашиг сонирхлыг зохицуулах, хувийн ашиг сонирхлын зөрчлөөс урьдчилан сэргийлэх тухай, Авлигын эсрэг хууль, Худалдан авах ажиллагааны мэргэжлийн байгууллагын худалдан авах ажиллагааг зохион байгуулах, хэрэгжүүлэх, гүйцэтгэлд хяналт тавих журам, энэ журам болон тэдгээртэй нийцүүлэн гаргасан бусад хууль тогтоомжийг баримтлан ажиллана.

Орон нутгийн нэгж нь дэргэдээ худалдан авах ажиллагааны ил тод байдлыг хангах зорилгоор орон нутгийн захиргаа, мэргэжлийн холбоод, олон нийтийн төлөөлөл бүхий орон тооны бус “Олон нийтийн зөвлөл” ажиллуулж болно.

               ХААА-ны албаны үндсэн үйл ажиллагаа

-       Орон нутгийн төсөв батлагдсанаас хойш ажлын 3 өдрийн дотор тухайн орон нутагт бараа, ажил, үйлчилгээ худалдан авах ажиллагааны жилийн төлөвлөгөөг Засаг даргаар батлуулж, хэрэгжилтийг зохион байгуулах, гүйцэтгэлийн хууль тогтоомжид заасан хугацаанд дүгнэж тайлагнах

-       Худалдан авах ажиллагааны мэдээ, мэдээлэл, тендер шалгаруулалтын зар, үр дүнг сонин, хэвлэл, вэб хуудсанд нийтлэх, түүнд тендерийн урилга, бусад мэдээлэл тавих

-       Худалдан авах ажиллагааны хууль тогтоомжийн хэрэгжилтийг нэгтгэн дүгнэж, биелэлт, мэдээг улирал, хагас, бүтэн жилээр улирал бүрийн сүүлийн сарын 25-ны дотор бичгээр болон цахим хэлбэрээр Худалдан авах ажиллагааны газар болон бусад холбогдох газруудад хүргүүлэх

-       Тендерт оролцогчоос гаргасан гомдол, маргааныг хуульд заасан эрх хэмжээний  хүрээнд хууль тогтоомжоор тогтоосон хугацаанд шийдвэрлэх ажлыг зохион байгуулах

-       Худалдан авах үйл ажиллагааны талаарх холбогдох хууль тогтоомжинд заасан бусад чиг үүргийг хэрэгжүүлэх

                  Албаны үндсэн чиг үүрэг 

Орон нутгийн нэгж нь хуульд заасан захиалагчийн эрх үүргээс гадна дараах чиг үүргийг хэрэгжүүлнэ. Үүнд :

-       Орон нутгийн төсвийн хөрөнгийн зарцуулалтын үр ашгийг дээшлүүлэх, Худалдан авах ажиллагааны газар болон Засаг даргыг бүх талын мэдээллээр хангах, зөвлөгөө, дэмжлэг үзүүлэх

-       Худалдан авах ажиллагаатай холбоотой асуудлаар холбогдох байгууллага, албан тушаалтанд санал тавьж шийдвэрлүүлэх

-       Худалдан авах ажиллагааны байгууллагын ажилтны ажиллах нөхцөл, нийгмийн баталгааг хангах ажлыг зохион байгуулах, ажлын үр дүнг харгалзан шагнаж урамшуулах, гадаад, дотоодын сургалтанд хамруулах, бусад дэмжлэг үзүүлэх

-       Санхүүгийн нөөцөө бодитой төлөвлөж, түүний гүйцэтгэлийн тайланг шаардлагын дагуу үнэн зөв гаргаж, холбогдох байгууллагад хуулиар тогтоосон хугацаанд мэдээлж тайлагнах

-       Орон нутгийн нэгжийн дарга нь үйл ажиллагааныхаа үр дүнг аймгийн даргад тайлагнах, үр дүнгийн гэрээгээ дүгнүүлэх

-       Монгол Улсын Засгийн газар, Худалдан авах ажиллагааны асуудал эрхэлсэн Засгийн газрын гишүүн, Төсвийн асуудал эрхэлсэн төрийн захиргааны төв байгууллага болон Худалдан авах ажиллагааны газраас гаргаж буй шийдвэрийн хэрэгжилтийг хангах, сурталчлах ажлыг зохион байгуулах

-       Орон нутагт тухайн жилд зохион байгуулагдах ажлын төлөвлөгөө, зохион байгуулалт, хэрэгжилт, үр дүнгийн талаар мэдээллийг тухай бүр хэдлэл мэдээллийн хэрэгслэл, орон нутгийн цахим хуудас, ЗДТГ-ын болон албаны мэдээллийн самбарт байршуулах

-       Худалдан авах ажиллагааг орон нутагт зохион байгуулах чиг үүрэгтэйгээр ТБНӨХБАҮХАТХуулийн 53.2 дахь заалтын дагуу Засаг даргын дэргэд худалдан авах ажиллагааны мэргэжлийн байгууллага байгуулагдсан тул Үнэлгээний хороог нэгжийн даргын шийдвэрээр байгуулж, үйл ажиллагаанд нь хяналт тавьж ажиллана.

-       Худалдан авах ажиллагааны үйл ажиллагаанд “Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдёилан сэргийлэх тухай хууль”,   “Авлигын эсрэг хууль” холбогдох дүрэм, журмыг чанд мөрдөж ажиллана.